天水圍的日與夜
剛看完《天水圍的日與夜》，因為是今年金像獎的得獎電影嘛，所以馬上找來看看，再寫篇小小的評論。故事以兒子張家安的中五會考等放榜 開始，講述一對居住天水圍母子的日常生活片段，媽媽在超市日出而作，放工在超市買菜回家，煮飯做家務；兒子考完試在家，沒有特地找工作，有時去下教會團 契，有時去朋友家打機，然後回家吃飯；另有一位新搬來的鄰居獨居婆婆，無依無靠，起床買菜午餐呆坐晚餐再呆坐。整體而言，全片沒有一般所謂的高潮起伏，不 是大死人大事件，只是以淡然但有味中國人特長的人情味及面子味及親戚關係為漣漪打動人心，令人有點梗住梗住，以下幾個令我在意的片段稍稍分析。
壽 宴事件：呢段戲我覺得拍得好有古怪，但又真係古怪，怪在大家都在演戲，小朋友們互相吹捧自己，鮑起靜母子的自我孤立一旁，都是戲，但是戲中戲是，大家不是 成日見而又要好似好熟咁既家庭聚會，其實又真係好多人都有，我自己感受得到，請你記下自己去飲結婚宴的場景。以非專業演員演「演戲」的家庭聚會，有趣但無 奈，導演以此交代鮑起靜母子的個性吧了。
打機事件：整段其實老老實實的拍得普普通通，會考十分八分的學生特別係男學生，就係咁樣，做野講 野都係無咩內容，但刻意反比返張家安的乖巧考順，而當中又有稍為知心的朋友互相支持。頭頭大家的演技都好唔自然，然後又慢慢自然，但老實講，最唔自然個個 就係個男主角，但又再覺得，個四個打牌既都係自己人，所以一定會再自然點。導演用現在的中學生演番佢地自己，就這樣簡單，無左呢幕都無所謂。
團 契事件：比打機好少少，但都係無咩野，我估參考自《四百擊》，見到個女組長係識既朋友都幾好笑，不過佢太出眾了，反而格格不入，我寧願導演認認真真的訪問 佢地成班人，然後先再揀選合適的，就這樣簡單重好，依家蜻蜓點水咁講團契，除左帶出張家安無左老豆的原因外，呢幕無左都無所謂。
送電視機事件：無言，不過拍得感人舒服，最好的地方就係張家安真係去做每件事，而媽媽同婆婆都恰如其分的演好他們的角色。
幾次的探病情節：是我覺得拍得最有味道的，其實張家安的表姐演得好好，佢加上婆婆，帶住張家安拍得生動有趣，同平常真正的探病一樣，帶出現在年青人及老年人很多不同的價值觀。自自然然的就拍了下來，令人投入及會心微笑。
殯儀館事件：好驚喜，最好笑係一個位，係張家安，表姐同表妹個度，拿講明先，係我自己覺得咋。其他都是拍得不錯的，大家都演得自然而舒服。
全片所有的食飯戲：係導演最拿手的，不多說，是導演功架，也是本片核心所在，學電影的同學（包括自己）都必須要學習。
其他主線，著實拍出地道的香港情。
嘩，打左成個半鐘頭，收檔。
