o靚模風水師
「我唔制呀！」
「咩事呀阿女？今日個show好地地。」
「班友呀！話我地做雞呀！」
「D人咩都講得出o架啦，你知道自己紅咪得囉。」
「網上D人，一係妒忌我咁好身材，一係就一路鬧一路睇，不知所謂！」
「係囉，妳知道咪得囉。」
「我唔制呀！」
「又點呀？唔係諗通左啦咩？」
「我唔要再畀佢地話呀！！」
「好啦好啦，公司做D野幫妳換個新形象啦。」
「你係先好講。」
翌日。
官司繼續開庭。
守候在法院門外的記者，見到Nivana與其經理人出現法庭。
「咦？Nivana妳o黎聽審？」
「唔係呀，我係黎申請出庭作證的！」
眾感驚訝。
「其實係咁o既，Nivana曾經係《洞天福地風水班》o既學員o黎，
曾經跟過風水陳學法，所以控方律師搵佢黎作證囉。」
「咦？《洞天福地風水班》教人擺邪陣o架喎！」
「梗係唔係啦，其實我都係細細個跟埋媽咪去學，
你地知啦，我同媽咪好細個就相依為命，細細個就跟住佢周圍去了….(下刪五百字)」
「無錯o勒，Nivana細個已經被風水陳讚過有潛質，有「小靈童」之稱添！」
「所以，Nivana之後唔止會出model show，我地更加會進軍風水界，
除左畀佢去山西進修之外，仲會同風水阿姐麥當當crossover出碟！」
再翌日。
娛頭：Nivana「我係風水陳徒弟！」 風水界胸起群湧
其後，I-Cup Honey、Tamama及他媽哥池等一眾o靚模，
相繼宣佈拜麥當當為師及到四川吸靈氣等。
而o靚模風水師立即成為周刊最熱潮語。
